Nervurave gumuar nga koma të hershme
E trishtime të drunjta
Vegjetimeve të përmortshme ullinjsh
Akuarelë që lëngëzojnë nga ripërtypje gurësh
Rrjedhje të thata e akorde të mefshta që pipëtijnë
Stonon lëvizja e stonuar
E ornamenteve pamore
Nën sqetulla të dheut
Gufojnë djersë gërryese
E silueta të pakapshme pluskojnë
Trishtueshëm kalëron duke gëlltitur shuarjen
E kur putrat humojnë në hi
Ndjen flakën që regëtin në bebëzat e një ylli
E tymin që kërleshet karuselit të vlimit
Ajër i butë si baltë
Që nëpër gishtërinj mbrun bukën majhoshe të molisjes
Bubërrime veshtullore i syrit
Errësirës së natës
No comments:
Post a Comment